Hi Tuanbia Hi Rel Khawh Rak I Zuam Hrimhrim: Zeitluk In Dah Nu Le Pa Nihsawh Ṭih A Nung Ning, Hringtu A Nu Nihsawh Tuk Ruangah Lungtum Ah A Caangmi Pa Video

Hihi tuanbia nih hin fim an chimh ve hrimhrim lai. Keimah pumpak hrimhrim in hlawknak tampi ka ngei. Zeitluk in dah nu le pa nih a kan dawt, kan zawn an ruah ti hi ka pemh ve i, ka lung a fiang khun. Cu lawng hlah nu le pa cu vawlei kan mit hmuh Pathian an si taktak ko timi fiang tein a langhter. Attha kho taktak rak rel ve hrimhrim. Hi tuanbia Marlin kundang tuanbi a si.

Marlin kundang hi a chuah hlanh, a nu nih a rak pawi lioah a pa nih a thih takmi pa, pa ngei lo asi. Cu ruangah a nu nih pa ngei lo a si ti a fapa  zoh tikah a zaangfak tuk hringhran cu ruangah hi a fapa nih a duhmi phun vialte cu tuahpiak khawh dih a zuam. A chuak ka tein ka pa tiah auh awk a ngei lomi pate a si. A fapa caah nuttha, zoh chun awk tlak nu marlin kundang a nu cu mirum pa pakhat nih a zoh tikah a zaangfak tuk.

Cu ruangah a fapa te cu a sinah a fapa bantuk in um dingin le i zohkhenh dingin a nu cu a hal. A nu nih a ruah tikah a minung sinak in cun a celh ve hrimhrim lo nain a fapa caah a tthami le thiltha a si lai ti a hngalh le ruat bu tein a fapa cu mirum pa sinah um dingin cun a kalter. A fapa marlin kundang cu mirum pa in ahcun a um. Mirum pa inn a um thawk cun sunghno a nu cu a ruat hrimhrim a ruat ti lo a philh bakin a philh. Mirum pa inn ahcun nu ngei lo le mirum fa taktak bantuk bak in khua a sa.

Asinain sunghno a nu nih cun ka fapa ka ngai tuk cang tiin ton hmuh a va timh tawn, nain a fapa nih cun a rak hmuh duh bal lo. Nikhat cu ruah lo piin a nu he lawng (ti lawng) a dinhnak hmun ah an i ton. Cu caang ka cun a nu nih cun a rak ngaih tuk mi le hmuh duh ton duh ah kawlmi a fapa cu amah min taktak marlin kundang tein cun a hei auh. Asinain a fapa nih cun nangmah nu hi kan thei lo, thil hal duhmi na ngeih a si ahcun tihzah upat bu tein ka hal ko ca tiah a fapa nih cun a leh. A nu cu lungrawk ngaiin a um.

Ka fapa, na zawn kan ruah tuk ruangah hawi lo ve seh tiin le, ka sinah sifah buin cun tthang hlah seh tiin zuanruahnak kei nih kan  um ter tiin lungrawk ngaihchia ngaiin a um. Tlawmpal ah nu cu a sum kho ti lo i, hitihin a fapa cungah cun bia a chim, nang cu hi lungtum bantuk an si i, na tilawng hna zong lungpi bantuk a si tiah a fapa cu ati.

Cuticun a nu bia chimmi cu zei ah rel loin nihsawh ngaiin a lawng cung ahcun a cuang i a kal cu tlawmpal ahcun ttek nih a lawng he a den hna i, a konglam an vun dothlat zoh tthan tikah cun lungtum pi a rak i cang tiah theih a si. Hihi 1805 kum i Indonesia ram Pasar Paya Pandang hrawngah a cangmi a si. Marlin kundang cu a nu bia chimmi zei ah rel loin le a nu a nihsawh tuk ruangah lungtumpi a cang diam ai.

Note: Cafang kan i palh mi a um len ko nain,nan kan theithiam lai kan nawl hmasa duh hna. Hi tuanbia nih hin zetindah na nun ah a rian ttuan fim an chimh ve. Hlawtnak an pek maw?